PHULLEN VENGTHAR KOHHRAN CHANCHIN TLANGPUI

Phullen Vengthar Kohhran

Phallen Vengthar tih hi a hmalam deuhah chuan Himunthar tih a ni a. Kohhran hming sak a lo nih chuan Phullen Vengthar niin tun thleng hian a hming chu a lo pu ta a ni.

Phullen Vengthar hi Phullen (Khandaih) hmar lama awm, inzawm reng, mahse a inkar chu a hla hle a ni. A huam chhungah hian hmanlai thil leh hmun pawimawh tak tak, Phunglaia hmun tlangte, milukhaina (Sahlam) te leh Vanhnuaithata hmun (Vangte Tlang) te a awm a. Milukhaina thing hi tun thleng hian hmuh theihin a la ding a ni.

SUNDAY SCHOOL HALL HMASA BER:
Sunday School Hall leh Biak In te a la awm hmain mimal inah leh school-ahte an inkhawm thin a, hun a lo kal zel a, mi an lo pung ve hret hret a, Kohhranah mi te pawh an lo thahnem tial tial a. Tichuan, Kohhran Committee chuan Sunday School chu mumal deuha neih thain a hria a.  Phunglaia hmun tlangah chuan thingtuai In-in, Sunday School Hall tur chu sak a ni ta a. Hemi hmun hi tuna Sunday School Hall (concrete) dinna hmun ni ta hi a ni.

Kum 1973-ah Phullen Vengthar (Hmunthar) hi kai tan a ni a. Hemi kum hian mi tlem tê an kai a. Phullen Biak In a hlat avangin inkhawm kal a harsa em em a, chuvang chuan mumal lo takin kum thum lai an awm a, nu leh pa thahnemngai tak takten hetia awm reng hi tha ti lovin Phullen Upate hnenah Sunday School nei ve turin an dit a, tichuan Phullen Kohhran Sunday Sikul enkawi turin Beginners Department chu neih a ni ta a. Mahse a enkawl zui hleithei lova, tawp mai dawna a lan avangin naupang lama thawksa Vengthar lama awm Pu Lianthunga leh NI. Thanghmingliani te chuan kum 1976 atangin kum hnih chhung an enkawl a, kum 1978 kumin Pi Remkimi chu thawk ve tura sawm a ni a, an thawkho ta a ni.

Hetih hunlai hian mimal inah leh sikulahte an inkhawm kual vel thin a. Phullen Kohhran aṭanga enkawina chu a mumal ta lo nen, a tawp mai tur chu ngai ngam lovin Pu Lianthunga chuan neih zuipui zel a rawt a, a rawtna ang chuan neih zuipui zel a ni. Kum 1980 atangin Junior Department thleng neih a ni ve ta a. Hetih laia naupang lama thawktute chu heng mite hi an ni:-

1) Pu Tlantuliana 2) Pu Lalchuanga 3) Tv.Nunhlima
4) NI. Lalrinthari 5)Tv. Lalrinmawia 6) Tv. Zasanga
7) NI Vanlalzeli 8)Tv. Lalhmingmawia (Dept, pumpui ziaku)

Kum 1976-ah Puitling lam Sunday Sikul nei ve turin Phullen Kohhran Upate an dil a. Hemi kum April thla atangin zirtirtu Upa Tlangthanga hovin puitling Sunday Sikul chu neih tan a ni ta a, Pu Vankima Inah an inkhawm thin. Dar an la neih loh avangin in neitupa Pu Vankima chu a au loh leh bawngtuthlawhte an vaw thin. Inkhawm hruai leh ziaktu hna hi Upa Tlangthangan a kawp a, Treasurer-ah Pi Lalringngheti a ni. Kum 1977 atangin kum khat chhungin Rs. 25/-an tlin a ni.

Pu Lalsawivela, Pi Lalawii leh Upa Sawithanga te chu puitling Sunday School enkawl tura ruat an ni. Sunday School inkhawm hi a rei deuh thin a ni ang, inkhawm duh lote pawh an awm nual a ni. Sunday School ziaktu atan Pu Ngurdailova leh Tv. Thanenga te lak an ni. Inkhawmna atan hian school, Pu Vankima in leh Upa Sawithanga in an hmang thin. Hemi kum vek hian Beihrual inkhawm pawh Upa Sawithanga inah Upa Tlangthanga hovin neih tan a ni a, laltinte an chhi thin.


Hun a lo kal zel a, mite an lo pung hret hret a, Kohhrana mi thahnemngaite pawh an lo thahnem ve tial tial a, Kohhran Committee chuan Sunday School pawh mumal deuh a neih chu thain a hria a, Phunglaia hmun tlangah thingtuai In-in Sunday School Hall sak a ni ta a ni.

Kum 1980-ah chuan Kohhran Committee chuan Vengthar lamah Sunday School mai ni lovin, Pathianni chawhma leh zana inkhawm hrante pawh thain a hria a. Pathian mite rilruah, Biak In thar sak duhnate pawh a lo awm ta zel a. Biak In hmun tur Pu Lalengmawia, A.O. te hian Phunglaia hmun tlangah an tifel ta a ni.

Biak In hmun tur diltute chu heng mite hi an ni.

1) Pu Vankima
2) Pu Panghnuna

3) Pu Tlanhlira

4) Pu Thavapa
5) Upa Lalzawmliana

6) Pu K. Hnehthanga te an ni.


Biak In tha ve deuh chu sak chakna a lo awm ta zel a, thingte zaiin a theih ang angin thawhlawmte khawn zel a ni a. Tichuan, ni 30.11.1981 Thawhtan niin Biak In hmun tur laih hnatlang hmasa chu Upa Ramzauva'n Pathian hnenah a hlan a, a hlan zawhah lei laih hnatlang chu neih tan a ni ta a ni. Kum 1981-ah Vengthara Krismas hmanho hmasa ber chu ruai nen hlim taka hman a ni. Ni 28.12.1981 Thawhtanniah Biak In hmun laih hnatlang chhunzawm leh a ni a, Pu K. Hnehthanga'n vawk sum nga (5) a thawh a ni. Biak In thar tur ban chu ni 10.3.1982 Nilainiin phun a ni a, Kohhran Upate leh Building Committee leh Hmunthar Veng mi thahnemngaiten bul an tan a, mistiri hi Pu Saihnuna a ni

Kum 1973-a naupang awm mai mai tur hui khawm a, Pathian thu an zirtir kha Sunday School tling chiah lo mah se, rampum huap zirlai zirtir an duh bawk si avangin Kohhran pui Phullen Kohhranah Zirlaibu a awm remchan takin tiin an dil a, remchang a lo awm si lova, Pu Lianthunga'n Luangpawn atanga zirlaibu hlui chhe tawh tak a kawl chu hmangin Junior pawl ni rual tawhte nen chu zirlaibu chu hmangin an inkhawm thin a ni. He Kohhran hi Sunday School-a bul tan a ni a, atirah chuan mi tlemtein hun harsa tak hnuaia rawng lo bawlin tunah chuan Kohhran Sunday School puitling takin Pathian malsawmnain a ding ta a. Kohhran member-te atangin kawng hrang hranga M.S.S.U chawimawina dawngte pawh an lo awm ta hial a ni.

PREACHING STATION-A HLAN KAI A NI
Phullen Kohhran Committee, ni 30.3.1980-a thu chuan Hmunthar Veng Preaching Station chungchang a sawi chu pending a ni a, ni 15.1.1981-ah Preaching Station chungchang hi sawi nawn leh a ni a. Kohhran Committee chuan Presbytery-ah Hmunthar Venga Preaching Station siam chungchang hi a thlen ta a. Kum 1981 Presbytery Phuaibuangah neih a ni a, chutah chuan Presbytery Moderator chuan Kohhran mal pawhin, Bial Inkhawmpui pawhin, Preaching Station hi siam theih a nih thu leh Presbytery-ah dil a ngai love a tih avangin Hmunthar Veng chu Preaching Station-a siam turin a inbuatsaih ta a. Ni 7.3.1982 Chawlhni zan inkhawmah Hmunthar Veng chu Preaching Station a ni tih puan a ni ta ni. A hawnna programme pawh siam a ni a, hetiangin

Pawnlam Programme:

Hruaitu leh hawngtu : Pastor C.M. Zalenthanga (Suangpuilawn Bial Pastor)
A hun : Dt. 4.7.1982 (Dar 10.00 AM)
Bible chang chhiar leh tawngtai
Hla (Kristian Hlabu No. 36) : Lalpa thehdarh ang che
Hawnna : Pastor C.M. Zalenthanga

In Chhunglam Programme:

Chairman : Pastor C.M. Zalenthanga
Bible chang chhiar leh tawngtai : Pro Pastor K. Lalhmuchhuaka

Zaipawl : Kohhran zaipawl

Biak In sak dan report : Upa Ramzauva
Lawmthu sawi: Upa Ralthuama
Thuchah . Pastor С.М. Zalenthanga

Hla (Kristian Hlabu No. 275) : Krista Kohhran tan kan ding
Banna : Malsawm tawngtaina

BIAK IN THAR SAK ṬAN A NI:
Biak In thar ban phun Dt. 10.3.1982 (Nilai) niah neih a ni a. Kohhran Upa leh Building Committee leh Hmunthar Venga mi tlawmngaiten bul an tan a. Ni 15.11.1981-a Kohhran Committee chuan Biak In thar sak turah Sub-Committee din thain a hria a, heng mite hi an ruat a ni

Chairman :  Upa Ramzauva
Secretary :  Pu K. Hnehthanga
Treasurer : Pu Thavapa
Member : Upa Lalzawmliana, Pu Saihnuna

KOHHRAN PUITLINGA HLANKAI A LO NI TA
Hmunthar Kohhran chu Kohhran puitlinga hlankai a tha tawh lawm ni tih chu Phullen Kohhran Committee chuan ni 17.2. 1983-ah a ngaihtuah a. Presbytery-ah thlen nise a ti a. Presbytery remtihna angin ni 6.11.1983 Pathianniin Kohhran puitlinga hlan hun tur chu a ruat ta a ni. Kohhran hming tur hi ni 16.10.1983-ah sak a rni ta a, Phullen Vengthar Kohhran tih a ni ta a ni. Kohhran puitlinga hlan a nih dawn avangin Biak In zauh a ngai a, ni 12.11.1983 Inrinniin Biak In zauh hnatlang neih a ni. Kohhran puitlinga hlankai ni, Kohhran Committee-in a lo ruat ni 13.11.1983 Pathianni chu Kohhran pui lam chawhma inkhawm leh chawhnu inkhawm Biak In kharin hman a ni ta a, Kohhran puilinga hlanna neitu hi Pastor C.M. Zalenthanga a ni. (N.B. Kohhran puitlinga hlanna detail Programme hmuh tur a awm loh avangin ziah lan loh a ni.)

Biak In hawng tur hian Pastor C.M. Zalenthanga leh Presbytery Secretary. R.C. Biakchhunga te an lo kal. Phullen Kohhran leh Phullen Vengthar Kohhrante an lo awm ta a. Ni 16.10.1983-a Phullen Kohhran Committee chuan Kohhran pahnihte inpawm tawn dan tur te, Kohhran ram rite a siam a, hetiangin- "Inpawm tawn dan tur chu Upate leh rawngbawltu hrang hrangte kum thum chhung (1984-1986) pem lehkha lak ngai lova inpawm tawn zel tur a ni"

Ramri: Phullen Vengthar Kohhran chin hian Ar-farm Veng achin thlanglam zawng a huam ang a, "Phullen Kohhran ram chin chu Lungpui chawlhhmun atanga chhim chhak lam zawng a ni ang, tiin Kohhran Committee chuan a siam a ni. Phullen Kohhran chuan Phullen Vengthar Kohhran chu heng thilte hian a indan a ni:-

1) Petromax       2

2) Almairah        1
3) Khuang          2

4) Holy Bible leh Pulpit Bible
5) Hlatharbu

6) Sakramen no leh thleng
7) Dawhkan

8) Thing thutthleng      4
9) Hunruatna bu

10) Thingzai



Ram leh khawtlang dinhmun chuan hmasawn lam hawiin ke a pen chak hle a, sawrkar lam thuneitute pawhin Phullen Vengthar lam hi khawhmun nghet leh zauh nan pawh thain an hria a, Motor kawngpui tlawh a remchang hlein an hria a, zawi zawia he lama awm hmun rem tur pawhin an ngen thin a. Khawchhung mite pawhin hetiang hi tha an ti a. Biak Inpui ngei pawh chu Kohhranin sawn tha tiin Phullen Vengthar Kohhran ram chhung hmun remchang leh tha nia an hriatna laiah sawn a ni ta a ni.

Hetiang bawk hian Phullen Pastor Bial Pastor Quarters sakna hmun pawh Phullen Vengthar Kohhran huam chhungah sak a ni ta a ni. Hei hi Suangpuilawn Pastor Bial Inkhawmpui (1985 Thurel General No. 5-na) angin Vanbawng Kohhran Biak Ina neih chuan a lo rel leh ngaihtuah tawh leh Bial Standing Committee pawhin a lo rel tawh angin sak a lo ni ta a ni. Phullena Pastor leh Pro. Pastor lo awm tawhte pawh heng mite hi an ni.

PASTOR
I) Pastor Chanchinmawia, B.Th. B.D (1987-1991)
2) Pastor AK. Dawia, B.Th     (1982-1998)
3) Pastor R. Laldinthara, B.Th   (1999 2005)
4) Pastor Vanlalhruaia Ralte, B.Th (2006 2007)

PRO. PASTOR
(1973 - 1975)
(1980-1982)


1) P/P Vanthangpuia   B.Th (1973 - 1975)
2) P/P K. LalhmuchhuakaB.Th  (1980-1982)
3) P/P Lalchhawnkima  B.Th. B.D (1983- 1985)
4) P/P Vanlalchhuanawma B.A. B.D. M.Th (1986)
5) P/P R. Lalbiaksanga   B.Th (1994 1996)
6) P/P Lalbiaktluanga   B.A. B.D. (1998- 2000)
7) P/P K. Lalengmawia B.A. B.D  (2001 -2003)
8) P/P H. Vanlalhriata   B.Th. B.D (2004 - 2006)




Phullen Vengthar Kohhrana Kohhran Upa leh Kohhran Committee lo ni tawhte:

UPA LO NI TAWHTE
1) Upa Sawithanga (L)

2) Upa Tawnkima (L)
3) Upa Lalzawmliana

4) Upa Ramzauva
5) Upa Lalnunmawia

6) Upa Lianthunga
7) Upa Khuangchhana

8) Upa Lalramthara
9) Upa J. Ngurchhawna

10) Upa J. Liankhama
11) Upa Lalthawmliana

12) Upa C. Pachhunga




TUALCHHUNG UPA LO NI TAWHTE
1) T. Upa B. Taia

2) T. Upa K. Hnehthanga
3) T. Upa Lianthangpuia

4) T. Upa Lalthangzauva


Phullen Vengthar Kohhran atanga Presbytery Moderator leh Secretary lo ni tawhte:

1) Upa Sawithanga (L)    (Moderator& Secretary)
2) Upa Lalnunmawia   (Moderator & Secretary)
3) Upa Lalramthara    (Secretary)
4) Upa Khuangchhana     (Secretary)
5) Upa C. Pachhunga      (Secretary)

KUM 1984 MIZORAM HARHNA
Kum 1984-a Mizorama harhna lo thleng chu kum tawp dawn December ni 25 tlaiah mi tlem tê lenkhawmnaah naupang atangin a rawn thawk tan a. Zan inkhawm bana an lengkhawm leh chu a bu rap darh ang maiin a ri ta phut mai a. Hlim m emin an tlaivar tak mai a ni. Naupang chauh ni lovin nula tlangval, nu leh pa lam thlengin a kangkai a, an lam a, hnungtawlh leh taksa sawiin a rawn thawk ta zel a. Thenkhatin an hre thiam lova, Thlarau Thianghlim hnathawh a ni thei lo reng reng, ramhuai thlarau a ni te an ti a, ‘binawk ho' tih pawhin an hming an phuah a ni. A hnungtawlh zawngin an tlan a, playing card khelhnaah te, zu innaah te, damlo inah te a hnungtawlhin an lut a, tawngtainate an neihpui thin. Ngaih dan a lo inang ta lova, Synod hruaitute beng a thleng a, min rawn tlawh turin Rev. K. Lalzuala an rawn tir a, hrethiam leh hrethiam loten ngaihthatna khawp an hmu ve ve niin a lang. Pathian thu ngaihsak ngai loten harhtharna an chan a, feh kawngahte thahnemngai takin an sawi thin. Thlarau Thianghlim hnathawh zawng chana hriatthiam chi chauh a ni si a. A chang loten a changte chu rem vek se an ti a, an fate, an nupuite lenkhawm pawh an phal lo a, Harhna ze dik chuan Kohhranhoah nung takin hnuhma a nei zel a, rampum huap lo pawhin a van tla harhna pawh kum 2006 khan Kohhran hian a chang a ni. "Lal Isuan chawimawina leh ropuin zawng zawng changpum hlum vek rawh se" tih hi a thu ken a ni. Tunah hian 2007 dan zawhkim (603) leh Kohhran member 903, an awm mek a ni.